Ná die skoolvakansie is die strande nou weer ’n bietjie stiller. Jy kies ’n perfekte kolletjie om jou strandsambreel te plant, gooi jou handdoek oop en kry behaaglik jou lê... Net om byna oombliklik deur ’n fluitjiebek versteur te word.
Jy stut jouself op jou elmboë en kyk rond. Waar kom die skrille klank vandaan? Dan sien jy hom: ’n Gitsswart voël met ’n helderrooi snawel. Die swarttobie.
Dié voëls se lawaai raak veral intens wanneer ’n dispuut oor
