DINOKENG-WILDRESERVAAT
Daar’s min plekke waar jy die geraas en verkeer van ’n groot stad kan agterlaat en net 40 minute later na die gebrul van ’n wilde leeu kan luister. Dinokeng is die enigste plek in Gauteng waar die Groof Vyf vry rondloop en dis baie gewild, veral oor naweke. Dit hang af van die lodge of kamp waar jy bly, maar jy kan uitsien na begeleide wildritte, uitstappies in die bos, en fynproeweretes.
DOEN DÍT Hier is ’n padnetwerk van sowat 140 km in die reservaat en dagbesoekers kan dit in hulle eie voertuie verken. ’n Selfrypermit kos R250 per voertuig vir een dag; R320 vir 2 dae en R380 vir 3 dae (dit sluit die bewaringstarief vir voertuie in). Koop ’n kaart (R45) vir aftrekplekke, restaurante, piekniekplekke en voëlskuilings langs die pad.
Gaan sit gerus by die Veldjierondom-piekniekplek en bestel ’n Crème Soda float by die kiosk – ’n spannetjie vlakvarke en selfs koedoes kom wei soms lekker naby.
Bewaringstarief R80 p.p.; R50 per kind 2-12 jaar; R50 per voertuig.
Dinokeng het meer as 50 plekke om te bly, almal in privaatbesit en hier is opsies vir elke begroting en. Ons het onlangs baie lekker by OuKlip Game Lodge () gebly.
