Disbekostigbaar (wel, soort van)
Die park het blyplek vir elke beursie – van kampplekke sonder krag tot luukse lodges met kunswerke teen die mure. As jy gewoond is aan selfsorgverblyf met komplimentêre koffiegoed, gaan jy duur betaal in die Kruger. Maar as jy ’n paar geriefies prysgee, kan jy ’n bekostigbare vakansie geniet.
Die kampplekke is goeie waarde vir geld (vanaf R340 p.n. vir twee mense, sonder krag tot R410 p.n., met krag). Dit verskil van ruskamp tot ruskamp, maar in die algemeen is die kampterreine ruim en boomryk. Die geriewe is ouerig maar netjies. Hier is gemeenskaplike badkamers en kombuise met tweeplaatstofies, opwasbakke, ’n urn en plek-plek ’n mikrogolfoond. Enasjygelukkigis, kry jy ’n staanplek langs die draad. Dis ’n bonus, want dan kan jy dierekyk terwyl jy beskuit doop!
As jy nie ’n kampeerder is nie, oorweeg die safaritente of hutte met gemeenskaplike kombuise en/of badkamers. In dié geval moet jy ’n krat met kook-en breekware inpak – jy kan wel ’n kombuisboks (R30) by ontvangs huur. Pryse wissel tussen R520 en R1 500 p.n. vir twee mense. Kinders betaal halfprys.
GUNSTELING-KAMPTERREINE By Letaba voel dit asof ’n mens in ’n woud kamp. Satara en Shingwedzi het heelwat staanplekke teen die draad. Punda Maria is die enigstekampterrein met ’n uitsig oor ’n watergat.
Daar is nie slégte kampterreine in die park