DIE beskermende laag van ons vel hou ’n klomp van die liggaam se belangrikste organe veilig. Dink aan die hart, brein, longe en lewer – ons sien hulle nie, maar ons weet beslis hulle is daar. Die grootste orgaan in die liggaam is egter die een buiteom. Dit bedek ons hele liggaam en beskerm ons teen beserings, siektes en uiterste hitte en koue. Dis ons vel!
FUNKSIES VAN DIE VEL
Jy het al gehoor van die liggaam se senuwee-, asemhaling- en spysverteringstelsels. Maar het jy al ooit van die “integumentêre stelsel” gehoor? Hare, naels, vel en eksokriene kliere (dis kliere wat stowwe soos sweet, trane en speeksel maak) vorm almal deel
