Daar was geen spesifieke komplikasies met Francine Solms (34) se swangerskap wat veroorsaak het dat haar dogtertjie, Alivia, vroeg gebore is nie. Dit het uit die bloute op ’n lenteaand net ná middernag gebeur.
Francine het daardie aand laat gewerk en toe sy uiteindelik in die bed klim, het sy vir haar man, Donovan (36), vertel dat sy nie haarself voel nie.
“Ek was duiselig en is badkamer toe. Dáár het ek gesien dat ek bloei,” vertel Francine.
Die Solms-gesin is onmiddellik hospitaal toe.
“Ons het my seuntjie, Axl (4), al slapende in die motor gelaai en hospitaal toe gejaag. Gelukkig woon ons baie naby die hospitaal.”
Francine en haar
