Hiking Cape Town
Deur Evelyn John Holtzhausen, Penguin Random House R290 in boekwinkels
Met honderde dagstaproetes is dit moeilik om in die Kaap-omgewing te besluit waar jy komende Saterdag wil stap. Hierdie gidsboek – bestaande uit 35 van die mooistes – maak die keuse maklik.
Dis hoofsaaklik vir stappers wat Tafelberg en die Skiereiland te voet wil verken, maar ’n handjievol roetes in die Helderberg, Hottentots-Holland-reeks en die Kogelberg-natuurreservaat voorsien vir lekker uitstappies in die Boland en Overberg.
’n Sleutel aan die begin van elke roetebeskrywing lys die basiese inligting: die beginpunt (asook dié se GPS-koördinate), afstand en duurte, moeilikheidsgraad, wat die terrein behels en of honde toegelaat word. Dís gewoonlik genoeg om te besluit of ’n roete vir jou is of nie.
Maar Holtzhausen noem ook ’n belangrike faktor wat die meeste gidsboeke versuim: Wat maak die weer op dié roete? Waai die suidooster kwaai teen die hoogtes? Stap jy in volson of is daar koeltekolle? Raak dit mistig? Of modderig en gevaarlik ná reën? Die daaropvolgende roetebeskrywing is bondig maar deeglik, met
