ELKE gesig – dié van haar klasmaats, onderwysers en ouers – draai hemelwaarts om na haar te kyk. In haar droomrok waai sy glimlaggend terwyl die lugballon stadig met haar grond toe sak.
Dít was hoe sy wou hê die prentjie van haar matriekafskeid moet lyk; dít was haar droom vir vanjaar.
Maar toe ontvou haar laaste skooljaar in ’n heel ander rigting – en nou is dit oor haar siekte dat Elske de Villiers van Meyerton moet uitstyg.
In Januarie vanjaar is kankergewasse aan haar linkereierstok en lewer ontdek. Dokters het aanbeveel sy ondergaan so gou moontlik ’n histerektomie – en dít op net 17.
Hier by haar ouma Elsa Pretorius (63) se huis is Elske se buik vandag geswel. Sy beweeg moeisaam toe sy wys: “Ek het van my naeltjie af tot hier (op haar bikinilyn) steke gekry. Maar