MIN TV-karakters was al so gewild dat vervaardigers hulle uit die dood moes terugroep. Dallas se Bobby Ewing en Days of Our Lives se Stefano DiMera was maar enkele van die seldsame voorbeelde.
Toe Suidooster se Dirk dus onlangs weer gesig wys, ’n jaar nadat hy op ons kassies geskiet is, het dit die akteur Evan Hengst in uitgelese geselskap geplaas.
Dis nie sleg vir ’n seun van Klerksdorp nie.
Daar het hy jare gelede as enkelkind daaraan gewoond geraak om homself in sy eie verbeeldingswêreld te vermaak deur karakters na te boots wat hy in Disney-flieks gesien het.
Sy ouers – wat seker nie vermoed het dit is die begin van ’n suksesvolle akteursloopbaan nie – het alles probeer om hom sover te kry om aan