IN SEPIELAND
Lindsey se karakter Chanel, wat sy al meer as ’n jaar in ‘Binnelanders’ vertolk, is nie so ’n bedorwe brokkie soos haar vorige karakters nie
LINDSEY ABRAHAMS
Lindsey se lang raafswart hare, kuiltjies en groot bruin oë vang dadelik die oog. Toe sy in 2018 in die kykNET-dramareeks Knapsekêrels haar debuut as die bedorwe brokkie Chantel gemaak het, het dié pikkie gewys jy moet haar nie op haar voorkoms takseer nie, want sy kan en mag maar toneelspeel.
Die boorling van Atlantis in die Wes-Kaap vertel sy het van kleins af saam met haar ouma Dorothy sepies soos Days of Our Lives gekyk. “Ek wou van jongs af aktrise word maar het gedink dit is vergesog om drome te koester om eendag op televisie te wees,” vertel sy beskeie.
Sy het op hoërskool dramaklasse geneem, en hoewel haar drama-onnie haar aangeraai het om eerder ’n sangloopbaan as ’n toneelloopbaan te kies, was die donkerkop vuur en vlam om haar droom na te
