Wanneer die lewe jou druk, dan druk jy terug! Dít is die leuse waarvolgens Marshlin Amor Pekeur (24) beter bekend as Queen Aymore, haar lewe leef.
Dié jong vrou van Montagu in die Wes-Kaap moes al vele kere van die ashoop opstaan, haarself afstof en weer van voor af begin. Dit is egter Aymore se vasberadenheid en wil om suksesvol te wees, wat haar dryf om die heeltyd meer te wees en meer te doen.
Queen Aymore is 'n sanger en rapper en is welbekend onder jongmense wat versot is op Afrikaanse musiek. Sy het verskeie musiekvideo's op YouTube en haar musiekvideo vir haar treffer,“My Waarde”, het ietsie meer as 'n halfmiljoen views ingepalm!
Sy was selfs in Desember verlede jaar in die Kuier Vertoonkas-lineup wat deel was van die Musiekindaba op Stellenbosch. En, best