PROFIEL
Toe sy met die onlangse kabinetskommelinge as nuwe minister van toerisme aangestel is, het Patricia de Lille geensins getwyfel dat sy suksesvol in dié rol kan wees nie. Haar honger vir uitdagings het haar van dag een af skouer aan die wiel laat sit, en meer laat leer oor 'n sektor met vele uitdagings, maar ook enorme groeipotensiaal vir die land.
Dit is ook nie 'n verrassing dat juis sý deur president Cyril Ramaphosa aangewys is om 'n ommeswaai in 'n bedryf te bewerkstellig wat tot dusver bietjie van 'n weeskind was nie.
Dié vuurvreterpolitikus word internasionaal erken as 'n sterk leier, en sit met 'n rits toekennings agter haar naam. In 2004 is sy onder meer deur die Freedom of the City of Birmingham, Alabama, as een van die Top 5 vroue in regering en regeringsagentskappe erken. Dieselfde jaar