BIVANEDAM
VARSWATER OP SY BESTE
Die Bivanedam lê omtrent in die middel van ’n groot driehoek as jy die dorpe Vryheid, Pongola en Piet Retief met mekaar verbind. Dit is een van die nuutste* damme in die land en een van min wat sedert 2000 voltooi is. Die gelyknamige rivier vloei hierdeur, en op die suidelike oewer is ’n lieflike kampplek – skaars 250 m voor die water oor die 72 m hoë damwal stort.
Natuurlik is hengel boaan die doenlys, maar dit is ook een van die kampplekke waar jy bloot rustig in die natuur kan ontspan. As jy die damwal