HY IS gebou om te hou, dink jy met die eerste oogopslag. En met ’n Stormers-trui oor sy gespierde bolyf lyk hy die ene rugbybreker.
So asof hy die ander span met ’n paar ratse treë sal kan uitoorlê. Dit was hoeka sy voetwerk waaroor sosiale media verlede jaar gegons het toe ’n video versprei is van hom wat in 2020 op Nuweland “uitgedraf” het. Maar nie die soort waarmee vleuels hul teenstanders systap nie.
Toe Beyoncé se “Single Ladies” oor die luidsprekers begin pols, het Wiaan Laing (32) die stadion aan die brand gedans.
Waar Wiaan vandag hier op sy balkon op Gordonsbaai sit met die see agter hom, is hy die rustigheid self. Geen voetjeukritmes of