OP ’N HOË NOOT NÁ MY PYN
WANNEER sy haar kop met die blonde skouerlengtehare agteroor gooi en die woorde van haar liedjies moeiteloos oor haar lippe rol, lyk dit asof sing pure plesier is vir Bernice West.
Nooit sou haar aanhangers kon raai dat sy maande lank teen die pyn in haar kakebeen moes stry terwyl sy op die verhoog gestaan en hulle met liedjies soos “Sonop-blom”, “Die hart”, “Kom binne” en “Hemel op aarde” bekoor het nie. Soms was dit so erg dat sy bang was sy sou nie haar mond groot genoeg kon oopmaak om daardie hoë note te haal waarvoor sy bekend is nie.
Eers in Januarie het Bernice (21) haar stille stryd met haar bewonderaars gedeel
