DIE aand nadat hy ’n repetisie afgelê het vir sy grootste rol nóg, was hy so senuagtig dat hy nie kon slaap nie. Sou hy die rol kry waarvoor talle ander akteurs hul voortande sou gee?
Pedro Pascal het toe ’n sterk slaappil gesluk – dit was die enigste manier hoe hy sy gemoed tot bedaring kon bring.
Kort daarna – dieselfde aand nog – het die regisseur van The Last hom gebel om te sê hy het die hoofrol gekry in wat een van die grootste TV-reekse van ons tyd sou word. Maar arme Pedro was so deur die war van die slaappil dat hy die volgende oggend geen herinnering gehad het van die gesprek nie.
