Haar oor is so te sê vasgegom aan haar foon. Feit van die saak is: sy hou daarvan om ’n stuk in kleur en geur te vertel, selfs al tuimel die woorde meestal holderstebolder uit haar mond. Maar nee, dis darem nie of sy skinder nie. Nie Aunty Bettie nie. Nooit. Sy sê mos maar net . . . sodat mense ingelig is, jy weet. En dis regtig al.
Jy kan haar altyd deur ’n ring trek. Sy’s omtrent spiekeries met haar kort grys kapsel, ladylike pienk lipstiffie en ’n netjiese serpie om die nek. En o ja, natuurlik ook die groot sonbril, al sit sy meestal binne in haar huis.
Dis nou die nimlike, kletsende en beterweterige Aunty Bettie, die knap -akteur Dean Smith (29) se alter-ego. En Bettie is nie sommerso