Die Tatirivier vorm die grens tussen die weste van Zimbabwe en die ooste van Botswana. Hierdie gebied was eens as die Tati-konsessie bekend, met Francistown in die middel – en dit was híér waar Daniel Francis in 1870 goud ontdek het. ‘n Goudstormloop het gevolg en namate voornemende prospekteerders na die gebied gestroom het, is meer ontdekkings na die ooste in Rhodesië (nou Zimbabwe) gemaak.
Prospekteerders het op die gebied toegesak. Myne soos Todd’s Creek, Selkirk, The Moth, Double Luck en Signal Hill het ontstaan, maar die Monarch Myn (wat tot die laat 1960’s aktief was), het geblyk om die enigste noemenswaardige fonds te wees. Die bos in die Tati-omgewing rondom Francistown – wat as gevolg van die goudstromloop ontstaan het – is besaai met verlate uitgrawings, putte, skagte en gate. Sommige dateer verder as moderne Europese pogings terug en sou waarskynlik die gewisse dood van enigiemand wat daarin val tot gevolg hê.
Gedurende die laat 1960’s het The South Eastern
