KOS
DIE SUID-AFRIKAANSE LUGBRAAIER-KOOKBOEK
LOUISA HOLST (H&R, R320)
Louisa Holst, foodie van formaat en Idees se eie kosredakteur, se topverkoper-kookboek is nou ook in Afrikaans beskikbaar. Die Suid-Afrikaanse lugbraaierkookboek fokus op plaaslike gunstelinge - van bobotie, appelkoos-snoek met soetpatats en boerewors met chakalaka tot paptert, melktert en malvapoeding - als in jou lugbraaier berei. Dié veelsydige klein konveksieoond wat kos vinnig en doeltreffend gaarmaak, het die koswêreld op sy kop gekeer en verdien sy eretitel as staatmaker in die moderne kombuis. Met hierdie resepte, ’n móét vir jou kook-repertoire, kan jy nou jou lugbraaier ten volle benut, jou lewe makliker maak, etenstye net ’n plesier en die kos op die tafel ’n ware weglê-fees.
DIE DEMOKRATIESE REPUBLIEK VAN BRAAI
JAN BRAAI (H&R, R425)
‘Dis jou demokratiese reg om ordentlik gebraaide kos te eet. is ’n plek waar jy saam met vriende en familie om ’n vuur staan om ons nasie te vier, waar jy geselsies maak en