‘BAIE VAN ONS HET GEDINK DIT SOU SKYNHEILIG WEES OM NIE ONS KINDERS AAN DAGGA EN SULKE GOED TE LAAT MEEDOEN NIE. DIT WAS ’N ONNOSEL STAP. EK IS NET BLY HY IS HIER’
HY WAS net ses jaar oud toe hy die eerste tree gegee het op sy chaotiese pad na dwelmverslawing en die tronk.
Robert Downey jr. het ’n sluk witwyn by sy gesin se huis in New York gevat. Sy pa het hom betrap. Maar pleks daarvan om die glas by sy jong seun af te vat, het hy vir hom ’n daggazol in die hand gestop en gesê hy moet eerder daaraan trek. Dít was die kultusrolprentmaker Robert Downey sr. se onortodokse benadering tot kindersorg.
Robert sr. was veel minder bekend as sy Hollywoodster-seun wat later sy demone oorwin het om die bes betaalde akteur ter wêreld te word. Die pa was ’n aweregse regisseur wat ook ’n groot deel van sy lewe ’n hopelose dwelmslaaf was.
Jare later het hy erken hy het “’n verskriklik onnosel fout” gemaak deur vir sy sesjarige seun dwelms te gee. Maar soos getoon word in ’n nuwe dokumentêr wat drie jaar
