INLIGTING
Ligging: Durbanville, Wes-Kaap
Naam: Welgegund, Kuiperskraal, Mosselbank en Drie Susters
Grootte: 2 500 ha
Eienaarskap: Maatskappy (PE Loubser-boerdery)
Vertakkings: Melk, 1 000 ha koring, 1 200 ha hawer en kuilvoergewasse
Grond en veldtipe: Malmesbury- en skaliegrond, asook renosterveld
Reënval: 400-450 mm per jaar
KORTOM
■ Sedert 2015 is mnr. Johannes Loubser van Fair Cape vier keer as die Landbounavorsingsraad (LNR) se Meestersuiwelboer van die Jaar aangewys.
■ ’n Stalgemiddelde van sowat 40 liter per koei per dag word gehandhaaf. Daar is reeds 60 koeie met ’n leeftydproduksie van 100 000 liter.
■ Vier koeihuise bied onderdakbeskutting van 35 000 m , en ’n 64-punt-melkdraaipuntstelsel word gebruik. Die melkplaas word grootliks van sonkrag af bedryf.
Rekords is goed en wel, maar dit is rekordhouding wat gelei het tot ’n byna 100%-
verbetering in die stalgemiddelde van die meestersuiwelboer mnr. Johannes Loubser. Om 2 500 geneties puik Holstein- en Ayrshire-koeie drie maal per dag te melk en ’n stalgemiddelde van 40 liter per koei te handhaaf, sal enige melkboer beïndruk.
’n Daaglikse produksiesyfer van 100 000 liter melk verg vernuftige bestuur. En om alles te kroon, het 60 koeie reeds sedert 2011 die magiese 100 000