ONDER normale omstandighede sou dit ’n soel en vreedsame someraand gewees het. Al die tekens was daar. Iewers in ’n boom het ’n piet-my-vrou die koms van ’n Hoëveldse donderstorm aangekondig. Die wind het die dag se hitte uit my woonstel verjaag en krieke het soos klein dieselenjins in die tuin geluier.
Maar toe vibreer my foon. Daar op die skerm staan die boodskap wat my op my reeds flenters tande laat kners. Sommer vroeg in Januarie al gaan ons na fase 6 van beurtkrag.
Weg is die zen-gevoel. Die onlangse somervakansie waar ek saam met familie om kreunende kostafels gesit en myself verbeel het ek is in Costa