D it was soos 'n yswind wat oor haar gewaai het dié oggend wat Aileen Jansen van Vuuren die deur van haar tienerdogter oopstoot en die dood haar in die gesig staar.
“Ek kon dadelik sien daar's fout. Sy was 'n snaakse kleur en toe ek aan haar vat, was sy yskoud,” sê dié ma van Alberton in Johannesburg, wie se dogter, Cora-Lee (16), vyf jaar gelede in haar slaap oorlede is. Aileen wou die Sondagoggend vir Cora-Lee wakker maak om te wys hoe laf haar hondjie was, wat oomblikke vroeër in die visdam baljaar het. “Sy het net daar gelê soos sy altyd lê, haar hande onder haar ken gevou. Maar sy was weg,” sê Aileen. Sy raak steeds emosioneel wanneer sy oor die
