DIE Fenix7 land sekuur op die gemerkte plek. ’n Sug van verligting verbreek die stilte voor ’n gejuig losbars. Die Muizer-gesin omhels mekaar.
“Kan julle glo, ons het dit gemaak!” snik Mara Muizer terwyl trane van blydskap oor haar wange rol.
Dirk Muizer draai onmiddellik terug na die instrumentpaneel wat sy aandag vereis.
Met verligting sien hy hoe die liggies een vir een afskakel terwyl lesings in sy oorfoon weerklink. Eindelik gaan die groen lig aan – die teken dat hulle die kapsule mag verlaat.
“Ons is hier!
“Maak gereed om aan land te gaan,” sê hy triomfantelik en beweeg na agter om sy ruimtepak aan te trek.
Marlies en Wim laat nie op hulle wag nie. Die reis deur die ruimte het hulle te lank vasgekeer in hierdie klein spasie. Hulle kan nie wag om weer vaste grond onder hul voete te voel nie. As die 10de gesin gekeur deur Nasa het hulle gekom om Mars hul nuwe
