Of dit ’n luilekker nuwejaarsbraai met skaaptjops saam met familie onder die groot wilgerboom langs die rivier is, of ’n vroegoggend-ontbyt met springbokniertjies en uie in die snerpend koue jagveld van ’n Karoo-oggend, vleis bly altyd daardie welkome gas by enige hartlike Suid-Afrikaanse maaltyd.
Wat kan immers beter wees as ’n ryk beesstertbredie met genoeg rooiwyn op ’n reënerige Sondagmiddag saam met vriende wat jy jare laas gesien het, of ’n besondere stuk biltong, kompleet met genoeg geelvet,