“Mammie, ek is honger,”sê Caity soos sy haar ma wakker maak. Dis donker in hul drievertrekplek. Ná 'n paar minute antwoord Babsie en staan op.
“Sit aan die lig, Mammie. Ek hou nie van die donkerte nie. Dit maak my bang,” sê die sewejarige Caity sag.
Babsie druk die skakelaar, maar dit bly donker. “Ai, Eskom,”sug sy. Sy voel-voel en haal 'n halwe kers uit die kombuiskaslaai. Sy steek dit aan en sit dit op die kassie onder die kombuisvenster.
“Waar op aarde is Biscuit?”wonder sy hardop oor hul kat. Hulle los die venster oop vir hom. “Wat pla jou dat jy dié tyd van die oggend wakker is? Dis nou eers 03:00. Hoekom is jy so nat gesweet? Is dit weer daai nagmerrie van jou?”praat sy terwyl sy 'n sny brood voor Caity sit.
Caity knik net en kyk na haar hande. Sy bars
