DIE LEWE BLY BITTERSOET
Katie tik haar opstel dat die vonke spat. Dit moet môre ingaan en sy wil 'n goeie punt hê hierdie semester. Sy hoor 'n roggelgeluid en kyk op. Sy sien dis haar ouma wat haar oë oopgemaak het en haar hand na haar toe uithou. Katie spring so vinnig op dat haar skootrekenaar amper van haar skoot afval.
“Welkom, slapende skoonheid,” glimlag sy vir haar ouma en help haar om 'n bietjie water te sluk.
“Het jy heeldag hier sit en werk?” vra haar ouma besorg.
Katie knik haar kop. Haar ouma hou haar hand styf vas. Sy wonder wat haar ouma op die hart het.
“Ek wil met jou praat oor jou erfporsie.”
“Nee, Oumie!” roep sy ontsteld uit. “Daar kan enige tyd 'n wonderwerk
