Strategiese beplanning vir ’n moontlike markverskuiwing het al ’n ruk gelede begin met navorsing oor die mark vir sojaboonverwante produkte. Die buro vir voedsel- en landboubeleid (BFAP) het dit reeds in 2020 aangevoor en data ingewin van belanghebbendes en kundiges, onder meer sojaperse, vervaardigers van sojaboonprodukte en invoerders van sojaproteïen.
Die Suid-Afrikaanse sojaboonwaardeketting bestaan uit ’n komplekse samevoeging van belanghebbendes en prosesse om sojabone van saad tot voer of van saad tot menslike voedsel te verwerk (sien TABEL 1 ). Wat die sojaboonwaardeketting nóg ingewikkelder maak, is dat dit inskakel by verskeie ander waardekettings, soos lewende hawe, voedsel, tekstiel en die nywerheidsbedryf.
VERWERKING
In die afgelope dekade het die Suid-Afrikaanse sojaboon-perskapasiteit ongekende groei ervaar as gevolg van beleggings gegrond ). Suid-Afrika het in 2020 altesaam 1 230 399 ton sojabone gepers vergeleke met 406 900 ton tien jaar gelede – ’n styging van 202% binne ’n dekade. Dit blyk uit gesprekke in die bedryf dat ongeveer 90% van die sojabone wat vir die menslike mark geoormerk is, deur hoofsaaklik twee persaanlegte verwerk word.
