‘EK EN MY MAN IS EINTLIK MIN GEPLA OOR GELD’
DIS ’n toneel wat baie warmbloedige mans se hartklop sal laat versnel: ’n wulpse blon dine wat sensueel op die enjinkap van ’n bloedrooi Ferrari poseer.
In haar sexy uitrusting, wat nóg rooier as die vuurwa is, verstel sy aan haar Gucci-sonbril en kruis haar bene terwyl die sluiter van die kamera soos ’n masjiengeweer knetter.
’n Mens kan dalk dink jy is iewers in Beverly Hills, maar eintlik is jy in die oprit van Melany (Mel) Viljoen (36) van Die Real Housewives van Pretoria in die ooste van Pretoria.
Sy is een van die ses vroue wat tans te sien is in ’n nuwe reeks waarin kykers ’n blik op hul weelderige leefstyl kan kry.