Braai saam met MARTELIZE
Die radiopersoonlikheid Martelize Brink se liefde om kos oor die kole gaar te maak, het gelei tot haar nuwe kookboek, Oor die kole, vol heerlike en oorspronklike braaigeregte.
PLOEGSKAAR-BREKFIS
Die ploegskaar maak my erg nostalgies. ’n Oggendvuur was in my grootwordjare ’n naweeken vakansieplesier. ’n Pan oor die kole, of soos in my kleintyd ’n ploegskaar met kole, is die ware Jakob om die dag in te breek. My pa het altyd op kerkkampe vir die studente daarin ontbyt gemaak. Deesdae kry jy ’n swetterjoel braaitoebehore. ’n Groot oor-die-kole-pan is egter ’n moet vir elke braaier. Daarin kan jy paella, platbrode en natuurlik ontbyt maak.
BOERE-ONTBYTPAN
■ 30 ml olyfolie
■ 1 heel (500 g) boerewors
■ 2 uie, in repe gesny
■ 1 blik (410 g) gekapte tamaties
■ 1 blik (410 g) sousbone
■ Sout en peper na smaak
■ 6 eiers
■ ’n Hand vol pietersielie, fyngekap
Verhit die olyfolie in ’n groot pan oor matig hoë hitte en braai
