Resepte: NIC VAN WYK
EIETYDSE SOETSUUR LEWER
My ouma het kleintyd altyd vir ons lewerkoekies en soetsuur lewer gemaak. Ek hou deesdae van jag en elke keer as ek ’n bok skiet, maak ek die lewer op my manier gaar in ’n pan oor die kole. Jy kan ook skaap- of beeslewer gebruik.
■ Kanola-olie vir braai
■ 1 groot ui, in dun ringe gesny
■ 400 g lewer, skoongemaak en in skywe gesny
■ 1 knoffelhuisie, fyngekap
■ 100 g bruinsuiker
■ 250 ml bruinasyn
■ 1 pakkie bruinuiesoppoeier
■ Sowat 150 ml warm water
■ 20 ml worcestersous
■ Fyn sout en varsgemaalde swartpeper
Verhit die olie in ’n pan op die stoofplaat (of doen dit sommer oor die kole) en braai die ui tot bruin. Voeg die lewer by en braai vir 3-4 minute tot bruin. Voeg die knoffel by en braai vir nog 1 minuut. Verlaag die hitte, voeg die suiker by en braai alles vir 1 minuut. Gooi die asyn by en roer goed deur.