GEROLDE, GEVULDE VARKLIES
Jy kan só ’n gevulde varkvleisrol ook met ontbeende varknek maak pleks van lies.
■ 1 ontbeende varklies van 1,7 kg
■ Sout en varsgemaalde swartpeper
■ 8 knoffelhuisies, fyngedruk
■ Fyngerasperde skil van 1 suurlemoen
■ 30 ml heelkorrelmosterd
■ 30 ml olyfolie
■ 1 ui, baie fyn gekap
■ 2 stele seldery, baie fyn gekap
■ 5 repe spekvleis
■ 300 ml appelbier, plus ekstra indien nodig
Sit die vleis met die velkant na onder op ’n kapplank en geur met sout en peper. Meng die fyngedrukte knoffelhuisies, suurlemoenskil en mosterd en smeer dit oor die vleis. Verhit die olyfolie in ’n pan en braai die ui en seldery stadig saam tot sag. Laat afkoel tot kamertemperatuur. Skep die uiemengsel op die mosterdsmeer en versprei egalig. Pak die repies spek op die uiemengsel en druk dit met jou hande vas. Rol die lies op en bind dit netjies met kombuistou op. Maak vlak snitte in die varkvleis se vel met ’n baie skerp mes.
Voorverhit die oond tot 220 °C en sit die gerolde lies op ’n draadrakkie wat in ’n oondbak pas. Giet die appelbier in
