Vir mnr. Danie Geldenhuys het ’n mooi hoender nog altyd ’n besondere bekoring ingehou. Nadat hy ’n Paarlse draai as wynmaker gemaak en later as sakeman na sy tuisdorp, Riversdal, teruggekeer het, het die Orpington-ras sy pad gekruis.
Hy teel al vier jaar kampioenskou-Orpingtons en behaal in dié kort tyd die een suksesstorie ná die ander – die grootste hiervan ’n haan wat vir R18 200 verkoop is.
“ ’n Orpington het net ’n teenwoordigheid wat dit van ander hoenderrasse onderskei. Hul temperament maak hulle ook gewild, en baie mense hou Orpingtons as troetelhoenders aan omdat hulle so mak is.”
Geldenhuys het lank aanlyn veilings dopgehou. Buiten dat Orpingtons vir hom uitgestaan het as ras, het die pryse ook sy aandag getrek – destyds was R5 000 nie buitengewoon nie. Dít het hom
