’NBLONDINE wat bekend geword het as die skelmpie van een van die land se mees omstrede sakemanne leef oënskynlik nog luuks, al het hy sedertdien tot ’n val gekom. Dis die soort storie waaroor die buurt sou gons.
Daarom sou jy dalk verwag hier op die spoglandgoed Val de Vie in die Paarl se wynlande sal mense tog te lekker skinder oor hul buurvrou Berdine Odendaal wat die nuus gehaal het as die minnares van die Steinhoff-grootbaas, Markus Jooste. Haar naam duik hoeka nou weer op in ’n nuwe Showmax-dokkie, Steinheist, wat gaan oor die maatskappy se ineenstorting nadat daar na bewering met sy geldsake gekonkel is. En dit laat kykers wonder: Wat het intussen van haar geword?
Val de Vie is ’n luukse landgoed met breë
