SY WAS glo die skelmpie van die skatryk sakeman; die ander vrou agter die skerms. Iemand wat sekerlik ’n geheim moes bly in die getroude man se lewe.
Maar nou weet almal van haar – en sy probeer haar lewe versteek van die wêreld wat wag op nuus oor die gevalle Steinhoff-sakeman.
Toe die wêreld die eerste keer van Berdine Odendaal kennis geneem het, het foto’s haar gewys in ’n bikini op ’n balkon – ’n smeulende blondine wat baai in die gloed van ’n luukse lewe en gemaklik voor die kamera pronk.
Daarna is sy afgeneem by ’n polowedstryd op die luukse Val de Vie-landgoed in die Paarl waar sy woon. Toe het sy gemaklik gefuif in ’n
