VIR Aspoestertjie is dit nou pampoentyd.
Die vrou in die hofbank lyk afgemat – diep kepe is onder haar oë sigbaar. Ja, haar donker hare is netjies na een kant gekam en haar blou top mooi gestryk. Maar sy is allermins die glansprinses van weleer. As jy haar op straat raakgeloop het, sou jy dalk nie twee keer kyk nie.
Dis net as jy haar jare gelede geken het dat jy sal weet Hildegard Pieterse (49) was eens ’n prentjie van luuksheid en weelde.
Die soort vrou wie se rokke, ontwerp deur die befaamde Diaan Daniels nogal, met juwele uit Indië getooi was. ’n Vrou wat 11 rygoed (waaronder ’n Porsche, Ferrari en twee Range Rovers) besit het.
Dié wat haar “Boksburg se Aspoestertjie” genoem het, het nie net
