Haar BINNEKRING
HAAR GROOTSTE LIEFDE
PRINS PHILIP
TOE die 13-jarige prinses Elizabeth prins Philip in Julie 1939 die eerste keer sien, was sy dadelik smoorverlief.
Die blonde vlootkadet was 18 jaar oud en op die punt om by die Britse vloot aan te sluit. Nes sy was hy van koninklike afkoms, maar anders as haar familie was hy platsak. Philip was haar agterkleinneef – hulle het dieselfde ooroorgrootouers gehad, koningin Victoria en prins Albert.
Elizabeth en prinses Margaret – vergesel deur hul ouers, toe reeds ingehuldig as koning George VI en koningin Elizabeth – het die Britannia Royal Naval College in Dartmouth, Engeland, besoek, maar ’n uitbreking van pampoentjies en waterpokkies het beteken hulle moes die kerkdiens misloop.
Elizabeth en Margaret is toe na die kollegehoof se huis gestuur, en dis waar sy en Philip mekaar ontmoet het.
Die prinsesse se goewernante, Marion Crawford, beskryf in haar memoires, The Little Princesses, hoe Philip in die huis ingeparadeer het. Hy het voorgestel hulle gaan sit buite by die tennisbane. Elizabeth kon haar oë nie van hom afhou nie, skryf Marion. Hy was atleties en ’n ekstrovert en het die prinsesse beïndruk deur oor die nette te spring. “Kyk hoe hoog kan hy spring!” het Elizabeth grootoog opgemerk.
Elizabeth wou ná daardie naweek met Philip trou en het selfs “mevrou Elizabeth Greece” in haar notaboekies geskryf.
Philip het moeilike kinderjare gehad. Hy is op die Griekse eiland Corfu gebore as die seun van prinses Alice van Battenberg en prins Andrew van Griekeland, die afstammeling van ’n Deense prins wat vir die Griekse troon gewerf is.
Toe hy ’n kleuter was, is sy familie ná ’n militêre staatsgreep uit Griekeland verban. Sy ouers en vier susters het in Parys gaan woon in ’n huis wat aan
You’re reading a preview, subscribe to read more.
Start your free 30 days