Van Lilibet tot KONINGIN ELIZABETH
HAAR KINDERJARE
Die dogtertjie wat as volwasse vrou Brittanje se langs heersende monarg sou word, is in ’n gewone huis, Brutonstraat 17 in Mayfair, Londen, gebore. Dit het aan haar oupa aan moederskant, die 14de graaf van Strathmore, behoort.
Dit het gegiet van die reën toe sy op 21 April 1926 om twintig voor drie die oggend met ’n keisersnee verlos is.
Haar ouers, toe nog die hertog en hertogin van York, het besluit op die naam prinses Elizabeth Alexandra Mary Windsor.
In ’n berig oor haar doop in ’n privaat kapel by Buckinghampaleis het Time onthul water is spesiaal vir die plegtigheid van die Jordaanrivier gebring.
Die blonde blouoogprinses het die bynaam Baby Betty by die Britse media gekry, maar haar familie het haar gou Lilibet genoem – ’n nabootsing van die naam wat sy kleintyd vir haarself gegee het omdat sy nie “Elizabeth” kon uitspreek nie.
Al was Elizabeth skaam, het sy ’n vrolike, speelse kant gehad, en sy was die enigste lid van die familie wat nie vir haar knorrige oupa, koning George V, bang was nie. Sy het die koning “Grandpa England” genoem en hom om
You’re reading a preview, subscribe to read more.
Start your free 30 days