'N BOEK IN ELKE HOEK
NOG voor jy in die huis instap, weet jy sommer hier woon ’n boekliefhebber. Dit rúik skoon soos boeke.
Die voorstoep is ’n leser se droom: ’n gerieflike bruin leerbank waarop jy net wil insink, met ’n klein koffietafel en twee leunstoele langsaan. Als gereed vir lees.
En daar is oral boeke – op die tafel, langs die rusbank, agter die rusbank, hoog opgestapel in boekrakke. In die huis is daar nog. Elke vertrek buiten die kombuis is vol boeke.
Roza Pretorius besit trouens meer as 50 000 boeke wat almal om ’n plek in haar huis in Muckleneuk, Pretoria, meeding. Elke rak is boordensvol
