Drama in Kaokoveld!
Ek, my vrou, Terèsa, en ons kleindogter Tinneke (11) is al ’n paar weke in Namibië. Ons het oor Windhoek en Etosha tot by die Epupawaterval in die noorde gevorder, en van hier af wil ons ry na die afgesonderde Camp Syncro, teenaan die Kunenerivier, en die Marienfluss.
Ons het al voorheen (rondom 2005) oor Vanzylspas soontoe gery – in ’n Toyota Prado. Dié slag is ons egter in ons Iveco-4x4-ryhuis en sien nie kans vir die berugte pas nie, veral omdat ons op eie reis.
By die Epupa Falls-lodge-en-kampterrein gesels ek met die eienaar, Koos Verwey, oor die alternatiewe roete na Camp Syncro. Koos is ’n legende in daardie wêreld en ken die Kaokoveld soos die palm van sy hand. Hy is van mening dat ons Iveco maklik die D3703-pad tussen Okangwati na Otjitanda (die dorpie net duskant Vanzylspas) en daarvandaan die “ontsnaproete” sal kan baasraak. Dis ’n roete wat loop van Otjitanda suidwaarts na Otjihaa, waarvandaan jy wes draai na Onjuva (van hier af kan jy weer noord draai in die rigting van die Marienfluss).
Ons het egter nie besef hoe veeleisend die paaie is nie. Weens Covid het min voertuie die afgelope twee jaar hierlangs gery, en daarom is die werklike padtoestande onbekend. Vir ons is die roete soos ’n toegegroeide plaaspad waar jy soms 4x4 moet haak. Omdat dit boonop die afgelope seisoen goed gereën het, het die bosse en bome langs die roete plek-plek feitlik dwarsoor
You’re reading a preview, subscribe to read more.
Start your free 30 days