BREIN MAAR GETRAIN

DIS nie moeilik om redes te kry om swaarmoedig te wees nie: Petrol word ál duurder – en amper alle ander dinge ook. Beurtkrag versuur ons lewe en die voortslepende gevolge van die coronakrisis is nog met ons.

Dis genoeg om jou die kombers oor jou kop te laat trek. Maar dís nie ’n volhoubare oplossing nie – ons moet ’n manier vind om in ’n onseker wêreld te oorleef én ’n gelukkige, produktiewe lewe te lei. En ons kán dit regkry, sê die Britse neurowetenskaplike Elaine Fox, die skrywer van Switchcraft: Harnessing the Power of Mental Agility to Transform Your Life.

“Om rats en aanpasbaar te wees is in ons DNS ingebou,” sê sy. “Die natuur het ons alles gegee wat ons nodig het om rats of veerkragtig