70, MAAR G’N AFGETREE LEKKER HIER OP LANGEBAAN
HY HET sy onderbaadjies lankal opgehang, maar sy dagboek is steeds boepensvol.
Ja, sê Johan Stemmet, hy is al 70 en hy het langs die see kom bly, maar dit beteken nie aftrede of leeglê is hom beskore nie.
“Ek voel net soos ek nog altyd gevoel het: gesond, gelukkig en spekvet,” spot Johan, want hy is eintlik vaartbelyn vir sy ouderdom.
Huisgenoot kuier vandag by dié geliefde oudaanbieder van Noot vir noot in die huis waar hy en sy vrou, Colleen, nou al twee maande woon. Hulle het Johannesburg se Northcliff-koppies verruil vir die Weskusdorp Langebaan waar hulle ’n huis op die rotse met ’n onbelemmerde uitsig op die see gebou het.
“Ons het 42 jaar sedert ons troudag in dieselfde huis in die Goudstad gebly.
