WIE WOON HIER? Jeanine en Loubser Theron en hulle drie seuns, Tobias (6), Joshua (4) en Simon (9 maande)
WAAR Die gasteplaas Britskraal, 10 km buite Strydenburg, Noord-Kaap-Karoo
GROOTTE 290 m²
As mens KwaZulu-Natal se lowergroen heuwels gewoond is, hou die Karoo se stofvlaktes maar min bekoring in. Dit was ook aanvanklik Jeanine Theron se gevoel oor die plaas buite Strydenburg wat sy in 2011 by haar pa, Pieter Claassen, geërf het.
Pieter, oorspronklik ’n beesboer van Vryheid, het meer as 20 jaar gelede dié skaapplaas as ’n belegging gekoop. Hy het dit meestal van ’n afstand bestuur, daarom het Jeanine nooit ’n emosionele band met die plek gevorm nie. “As studente het ek en my man, Loubser, in die