OP DIE SPOOR VAN JOU BLOED

‘NIKS IS LEKKERDER AS OM TE SIEN HOE MENSE OPGEWONDE RAAK OOR HUL HERKOMS EN ERFENIS NIE’

SEDERT ek ’n genealoog geword het, het geen dag in my lewe al soos werk gevoel nie. Ek doen dit al 34 jaar lank. Genealogie is die studie van stambome, bloedlyne en families se erfenis.

Ek dink die passie vir geskiedenis en erfenis is al van kleintyd af by my gekweek.

Ons was ’n baie hegte familie. Die ouer mense het altyd geskiedenisstories vertel. My oupa sou byvoorbeeld vertel van sy dae as ’n penkop in die Anglo-Boereoorlog, en my ouma sou ons vertel hoe haar ma in die konsentrasiekamp gesterf