EKOTOERISME (EN PERDE!) MAAK SÓ WINS

Ekotoerisme hoef nie ’n aks terug te staan vir gevestigde, konvensionele boerderyvertakkings nie. Op die plaas Moolmanshoek by Ficksburg, vandag ’n gesogte vakansiebestemming, het die Nels dit laat werk en hulle as grasboere gevestig nadat hulle moes toesien hoe die bogrond ná elke harde reënbui wegspoel.

Mnr. Willie Nel vertel van ’n tyd toe medeboere gedink het ’n diepgewortelde saaiboer op meer as 3 000 ha wat ophou plant, is sy varkies kwyt.

Aanvanklik het Nel twaalf jaar lank die gewasverbouing van sy skoonpa, mnr. Hendrik Erasmus, voortgesit, en tussendeur ook met melkbeeste en skape geboer. In 1998 het die volhoubaarheid van sy melkery in die gedrang gekom toe hy nie meer minstens 100 ha mielies as kragvoer vir die koeie beskikbaar gehad het nie.

“Ons moes ’n drastiese besluit oor die toekoms neem, en aanvanklik het ek twee modelle oorweeg: ’n Beesboerdery of ’n boerdery wat