Die Kuns van lekker leef
Jy het waarskynlik al op pad na die Krugerwildtuin toe deur Witrivier gery – die Numbihek is maar 30 km ver. Tog verdien dié dorp in Mpumalanga meer as net ’n vinnige inloer. ’n Hele kaboedel kreatiewe siele noem dit hulle tuiste.
Macadamia-, avokado- en sitrusplase lê lepel met kliprantjies en word toegevou in plantegroei. Omdat hier soveel veld, woude, damme en grondpaadjies is – en natuurlik die lieflikste klimaat – word die locals as ’n sportiewe spulletjie beskou. Witrivier lê hoër as die nabygeleë Mbombela (die ou Nelspruit) en dit is ook gemiddeld 4ºC koeler hier.
Die winters is koel genoeg vir ’n bottel rooiwyn langs die kaggelvuur. In die lente spoeg die koraalbome letterlik vuur en die lug voel vars. Maar dít is van korte duur, want kort op die hakke van die lente wag die snikhete somer. Die herfs word weer gekenmerk deur eksotiese bome wat flankeer in amberen appelkooskleur gewade. “ ’n Mens voel ’n soort melancholie in die lug,” sê die keramiekkunstenaar Esra Bosch.
Sy en en haar suster, Andre, ’n skrywer, woon op Die Randjie, ’n kleinhoewe 5 km buite die dorp, in ’n huis wat hul oorlede pa, die meesterpottebakker en keramiekkunstenaar Esias Bosch – bekend as die
You’re reading a preview, subscribe to read more.
Start your free 30 days