Ontmoet die mense
Brumilde & Mariette Joubert
Joubert & Seuns-padstal
“My skoonpa het in 1966 hier grond gekoop,” vertel Mariette Joubert. Haar dogter, Brumilde, kom sit langs haar in die Joubert & Seuns-padstal teen die N4. “Dit was ongerep hier, en die pad nog smal.”
Joubert & Seuns is ’n bekende sitrusprodusent in die Laeveld, maar hulle vervaardig ook meubels en doen uitgrawingswerk vir landbou- en ander doeleindes. “My skoonpa het alles gedoen. Hier was selfs ’n slaghuis op die plaas – die Belladonna-slaghuis in Nelspruit gebruik tot vandag toe sy worsresep.”
Mariette se skoonma het vier padstalle in die Kloof bestuur en aanvanklik is vrugte aangeplant vir dié stalletjies. “My skoonma het vrugterolle gemaak en die kinders moes staan en vlieë wegwaai. Op Kersdag is daar waatlemoene geoes terwyl ander families aansit vir Kersete.”
Hoewel daar steeds ’n gemeenskapsgevoel in die Kloof heers, sê Mariette dit is nie meer soos in die ou dae nie. “Daar was ’n plaasskool hier op die Sterkspruitpad. My skoonpa het die atletiekspan hier voor die winkel afgerig en oor naweke het hy vir mense rolprente gewys. Vandag is elke ou maar besig met sy eie dinge. My sosiale tyd bring ek meestal saam met my familie en kinders deur.”
Dit is nie maklik om in hierdie kontrei te boer nie. Die gebied is eintlik nie geskik vir sitrus nie, want daar is vier verskillende klimaatstreke in
You’re reading a preview, subscribe to read more.
Start your free 30 days