’N ROTS VIR OEKRAÏNE
OP DIE voorblad van die glanstydskrif Vogue was sy die toonbeeld van styl, maar nou word sy deur dood en verwoesting omring. Terwyl haar eweknieë in die hoofstede van die wêreld uit spogkantore werk, bevind sy haar in ’n ondergrondse bomskuiling waarvan die ligging streng geheim gehou word.
Sy is Olena Zelenska (44), die merkwaardige vrou aan die sy van die Oekraïense president, Wolodimir Zelenski (44). En nes haar man is sy ’n baken van moed en durf in hul land se donkerste uur.
Toe Amerika op die vooraand van die Russiese inval aangebied het om die presidensiële gesin te ontruim, het pres. Zelenski geweier – en Olena het gekies om by haar
