MY INK MAAK MY HEEL
SY BLY in ’n yslike huis, besit kuns wat honderdduisende rande werd is en ry met ’n Porsche. Maar steeds sou min mense op die oog af kon raai sy lei ’n rykmanslewe.
Jojo Robinson het tientalle tatoes oral oor haar lyf. Net haar gesig, bors en hande is nog sonder ink.
“Mense dink ek is ’n oudgevangene of net oor die algemeen ’n slegte mens,” vertel sy.
Wanneer iemand met sulke vooroordele haar ryding sien, sal hulle nuuskierig vra of sy dan haar baas se motor bestuur, vertel sy.
Maar eintlik is Jojo een van die rykste vroue in Durban – en nou blaas () met haar modieuse ontwerpersdrag en vlymskerp tong.
