OP DIE DRUMPEL

’n Toekoms met die liefde van jou lewe behoort tog seker ’n pad vol helder lig te voorspel. Die liefde moet immers alles oorwin.

Wel, my liefde vir Carl het my hieraan laat vasklou, ten spyte van die stikdonker werklikheid dat hy ’n alkoholis was. Ek het ook vasgeklou aan ander ligpunte. Carl is ’n briljante, getroue onderwyser met ’n passie vir die onderwys. Hy is een van die min matriekonderwysers wat wiskunde in braille kon gee – en elke dag getrou op sy pos. Almal by Ramaleng Skool vir Blindes het ’n sagte plekkie vir dié aantreklike en saggeaarde meneer gehad.

Ons break-up as jong mense was onvermydelik en seker toe ook ons herontmoeting. Ná 23 jaar van ons eie lewens lei, van ons eie huwelike probeer maak werk … Onvermydelik weer in mekaar se arms. Die waarskuwingstekens was daar. Ek moes seker maar weggebly het terwyl ek kon. Niks sou egter daarin slaag om my te