MY HARTSEER NOG IN ’N SPEKBOOM
JARE lank was die feestyd altyd ’n spesiale tyd van die jaar vir haar – die mooi, gelukkige dae ná die bedrywige jaar.
Sandi Schultz en haar man, Laszlo Bene, sou in hul kar klim en ver weg van die Goudstad se gedreun ry. Hulle sou na die natuurskoon van die Magaliesberge vlug, waar hulle hand aan hand onder die Hoëveldse somerson sou uitspan.
Dan het hulle saam met vriende feesgevier, aangesit vir heerlike etes en ’n glas wyn geskink vir ’n heildronk op die ou en die nuwe jaar. Dit was tradisie; altyd iets om na uit te sien.
Maar vir haar sal hierdie Kersfees anders wees, vertel die aktrise. En dié keer is sy voorbereid op die gemengde gevoelens wat die
